ESTV MANATUTO

PROFILE

ESTV Mahunu Bukar Manatuto

Istoria Kona-ba ESTV Mahunu Bukar

Baseia ba politika VI Governo Constitucional e politika Ministério Educação nian, hodi hatan ba aspirasaun recurso povo nian, no povo ida ne´ebe terus durante tinan barak nia laran, maibe foin hetan ninia indempendencia iha tinan sanulu resin liu ba sei iha terus ba nafatin, tamba kiak no mukit ba matenek e susar tebes atu asesu ba campo de serviso ne´ebe ohin loron ezizi ema hotu tenque iha abilidade suficiente, lori responde ba sira nia moris. Atu hatan ba necesidade kiak no mukit matenek ou abilidade iha leten, iha fulan Dezembro tinan 2016, Sr. Abel Larisina, hanesan Vice Ministro da Educação iha VI Governo konstitusional hakarak convoca encontro alargada ida hamutuk ho konselho professores tomak iha Escola Secundário Geral Kay Rala Manatuto ninian, hodi husu posibilidade atu halo konversaun Escola Kay Rala ba iha Escola Técnico Vocacional ida, maibe, hanoin Sr. Vice Ministro nian ne´e lahetan konkordansia husi Professores tomak ho razaun ida katak Eskola Kay Rala hanesan Escola Secundária Geral Publico ida mesak ne´ebe eziste iha Municipio Manatuto. Ho akontesementu ida ne´ebe ami haktuir iha leten, iha fulan Desembro tinan 2016 ne´e duni Ministério Edukasaun toma desisaun ida atu hatan ba preokupasaun professores Kay Rala nian ne´e, e nune´e estabelese tan escola foun ho naran “ESCOLA SECUNDÁRIA TÉCNICA VOCACIONAL DE MANATUTO” estabelecementu Escola Técnico Vocacional ne´e la´os hala´o deit iha Municipio Manatuto maibe, iha Teritorio Timor Leste laran tomak. Iha Municipo Manatuto estabelece escola Técnico Vocacional rua; ida iha Posto Administrativo Soibada, maka, Escola Técnico Vocacional Soibada ho departementu rua, Turizmo e Hotelaria. Ida seluk iha duni posto Administrativo Manatuto Vila, maka Escola Técnico Vocacional de Mantuto, ho mos nia departementu rua, maka, Produção Agrícola no Contabilidade. no ikus mai escola ne´e ami hanaran ESTV Mahuno Bukar Manatuto. Atu Follow Up ba desisaun Ministerio nian ne´e, iha dia 10 de Dezembro de 2016 iha Encontro extraordinaria ida entre konselho professores Eskola Secundária Geral Kay Rala hamutuk ho Inan/Aman hodi bele assegura ba primeira inskrisaun dahuluk ba estudante Tecnico Vocacional. Iha Encontro ne´e, director da Escola ESG Kay Rala nomea Sr. Francisco Pires no Sr. Domingos Sina, atu toma responsabelidade ba registo ninian, hahu husi dia 20 de Dezembro de 2016 to´o dia 5 de Janeiro de 2017. Hahu kedas husi loron quinta feira, horas 14.30 Otl, iha dia 5 de Janeiro de 2017 Direção Educação Municipal Manatuto, komposto husi Diretor da Edukasaun no Superintendente e Chefe de Recurso nomeia direitamente profesores na´in tolu husi ESG kay rala Manatuto hodi toma responsabelidade ba kargo chefia Escola Técnico Vocacional Manatuto ba ano academic 2017 to´o 2024. Professores na´in tolu ne´ebe hetan fiar ne´e, maka 1. Sr. Francisco Pires, L.CG ( Hanesan Diretor Interino ) 2. Sra. Emerenciana Inês dos santos, L.Ed ( Hanesan Adjunta Diretor ) 3. Sr. Domingos Alexandre Soares ( Hanesan Chefe Gabinete Apoio Técnico / GAT ) Pessoal na´in tolu ne´ebe hetan konfiansa hodi assegura prosesu escola Tecnico Vocacional ne´e, iha dia 10 de Janeiro de 2017, hetan kedas karta de nomeasaun necessidade. Escola ne´e hahu ho total estudante hamutuk 76 pessoas, mane 52 no feto 24, fahe ba sala rua ; sala Primeiro ba departemento Produção Agrícola hamutuk ema na´in 40 no sala Segundo ba Contabilidade hamutuk ema na´in 36. Dados ida ne´e existe iha ano 2017. .

VIZAUN NO MISAUN

ESTV Mahunu Bukar Manatuto

Objetivu

Escola Secundária Técnico Vocacional de manatuto iha mos ninia Objectivo principal Mak hanesan tuir mai ; 1. Garante no promove talent alunos ne´ebe iha, liu husi ciencias no sabedoria ne´ebe sira iha atu lori kria kampo de trabalho 2. Garante no promove uniformasaun iha konteudos no material do ensino tuir curiculo nasional 3. Hakle´an matenek ne´ebe iha kualifikasaun ba sidadaun Timor oan tomak hodi aumenta kapasidade atu produz instituisaun empregador sira hodi kombate esksklusaun social, nune´e bele kontribui ba economia sustentavel no desenvolvimentu nasaun nian. 4. Kuda matenek ida ne´ebe forte iha kultura emprezarial ligasaun ho kualifikasaun hodi compete ba merkado do trabalho

Visaun

Timor Leste geralmente e especifico Municipio de Manatuto, ninia oan tomak hamutuk bele iha kapasidade ou abilidade liu husi Ensino Sucundário Técnico Vocacional, hodi luta ba desemprego atu nune´e bele fo kontribuisaun diak ba futuro iha desenvolvimentu tuir dalan kapasitasaun no desentralizasaun ba desenvolvimentu. Husi Escola ne´e autosuficiente, responsavel moral no excelente profesionalizmo liu husi edukasaun ne´ebe fob a estudante sira.

Misaun

Escola Secundária Técnico Vocacional de manatuto iha mos ninia Misaun principal Mak hanesan tuir mai ; 1. Atu realiza visaun iha leten ETV de Manatuto pronto atu forma prfessionais ho karakter oral ne´ebe abut iha fiar ida 2. Atu produz papel modelo matenek era tecnologia ne´ebe iha fiar ida sai nudar autoris excelente ba desenvolvimentu humano no nasaun. 3. Atu kapasita sidadaun sira no komunidade liu husi ciencias ne´ebe iha, atu lori servi lolos povo no nasaun.

LEMA

“HAHI O NIA MATENEK HO FUAN” ne´e signifika katak : 1. Hahi o nia Matenek ho fuan iha unidade diversidade, respeita ema seluk nia komitmentu iha processo aprendizagem, solidaridade, paz no dame 2. Atu fortifika estudante sira nia kapasidade ho sira nia valor ne´ebe diak, hodi motiva diak liutan sira nia konsiensia hodi haforsa sira nia kualidade ba kampo de trabalho no Nasaun.